NYE NOR as (tidl. NORCD) arbeider med produksjon, distribusjon, formidling, markedsføring og sal av kulturelle uttrykk. Først og fremst musikk. Ein særeigen, uavhengig aktør i norsk musikkliv på tvers av musikksjangrar.
SELSKAPET sin profil er i hovudsak å formidle musikk med høg kunstnarlisk kvalitet. Hjartet vårt bankar særleg for folkemusikk-, jazz- og verdsmusikk, men vi er sjangerfrie og lanserer artistar innan indie-pop og rock, elektronika, samtidsmusikk og fleire overskridande uttrykk.
NYE NOR bidreg til at yngre og etablerte musikarar og komponistar har ein profesjonell og kompetent plattform for produksjon, formidling og dokumentasjon.
CD-KATALOGEN er stor, og vi arbeider mest med vinyl, i hovudsak LPar som har fått ein renessanse. Diger Distro og Tigersjappa står for fysisk distribusjon, og The Orchard er distributør til digitale plattformer. Sakte, men sikkert byggjer vi opp utvalde utgjevingar på Bandcamp.
SIDAN 1991 kan vi visa til eineståande kunstnariske produkt, også i form av kritikarroste og prisløna utgjevingar, av kunstnerskap som får merksemd, og lyttarar også på internasjonalt nivå. Vi tenkjer langsiktig både kunstnarisk, arbeidsmessig og økonomisk.
NYE NOR er ikkje underlagt eller del av eit større selskap, og er såleis eit av svært få uavhengige indie-selskap i Norge. Vi har vore medlem av Fono sidan 1992. På opphavsrettsida er dei fleste av våre artistar tilknytta Nopa, Norsk komponistforening, Tono og Gramo.
