Norges fremste bukkehornist og tenorsaxofonist har eit imponerande driv til stadig å utforske tilhøva mellom folkemusikk og jazz – og alt rundt, alt utanfor. Det er vanskeleg å setja ein merkelapp på Karl Seglem. Han har skapt sitt eige lydunivers, sin eigen sjanger så å seia. Og musikken er for han ei vital og personleg uttrykksform. Kvartetten presenterer musikk frå ei lang rekke av hans mange album-utgjevingar. Rike lydlandskap der både fjellheim, sanddyner, asfaltjungel, bølgjande skog og livgjevande vatn kan høyrast. Overtydande utadvendt, vakkert energisk - med poetisk nordisk tøtsj.