Djup Redsle
Djup ro
ei vifte av tid
ei æveleg utbretting
eg held deg
hald meg
vil me gløyma alt
som om alt ikkje er lenge sidan
eg stryk deg
stryk meg
i frekvensar av lys
med lydleg von
eg treng deg
treng meg
vil me hugsa alt
som om alt ikkje er lenge sidan
eg vil deg
vil meg
Oljelenkjer
vindane jamne
i eit grønt lys som faldar seg ut
med ei sterk rørsle
som i meg
med ei sterk rørsle
som i deg
vinane jamne
varande og vare
noko langt mørkare
må koma frå dei stengde dagane
vindane jamne
i dei seine nettene brer opning om seg
Kvervel
gje meg ikkje svar
be meg leita, spørja,
løfta og kløyva
bjørk
bora auga inn i mergen
finne først årring
så lang tid
komma så kort
Kvit frekvens,
stille spor
Stilla er ein åker
stilla er ein åker
me kan pløya med vår pust
mold og frå
vind og vatn
så
ana den kraft dråpen gjev
hausta som fortent